Nordic PEN Language Network - Malhum de Lenga dels PEN Nordics (Occitan)
La tòca d’aquel malhum es de metre en evidéncia e de promòure lo multilingüisme e la diversitat lingüistica dins la region nordica. Aquel malhum reflectís la diversitat lingüistica d'aqueles paratges.
Sa tòca es de promòure e de mostrar qu’aquelas culturas son en connexion, e qu’es important de metre en relèu la diversitat lingüistica e lo multilingüisme de las contradas septentrionalas. I a fòrça de lengas parladas dins la region nordica. Lo nosèl de l’accion d’aquel malhum es de se trachar de cossí son aparadas e cossí son afortidas.
Lo malhum convida de representants de las lengas qu’èran pas a l’amassada fondadora, e mai qual que siá d'autre que poguèsse aderir a las valors de PEN Internacionau e que s'interessèsse a a las lengas, a rejónher la cotria.
La ret pòt prene d'iniciativas independentas e exprimir d'opinions pertinentas en son quite nom.
Una tòca centrala per la ret es de comunicar intèrnament e extèrnament sus las condicions e los cambiaments actuals, tant positius coma negatius, al subjècte de las lengas de la region nordica, per exemple suls mèdias socials, dins los bulletins d'informacions, e d'autres biaisses. La ret a de plataformas e d'adreças suls mèdias socials.
La ret s'engatja proactivament amb las institucions politicas e culturalas de la region nordica. Aquò pòt inclure lo Conselh Nordic e las institucions ligadas, los ministèris e las administracions pertinents, los conselhs de lenga, las institucions educativas, e d'autras instàncias.
La ret pòt causir de trabalhar activament sus de projèctes pertinents. La ret pòt cercar de finançaments extèrnes per de reünions fisicas e de trabalhs de projècte, per exemple dels centres PEN nacionals, de las autoritats, e de las institucions publicas.
La ret se pòt recampar en linha o fisicament. La ret s’engatja proactivament amb la reünion annala del comitat linguistic del PEN Internacional e las acampadas ligadas als congrèsses del PEN Internacional.
La basa organizacionala de la ret
La ret es ligada a las activitats lingüisticas dels PEN danés, PEN suedés, PEN finlandés, e lo Comitat de Traduccion e Dreches Lingüistics (TLRC) – de PEN Internacional.
Las valors de la ret
La ret fa sieunas las valors de PEN International, talas coma exprimidas dins la carta de PEN International, valent a dire l'inclusion, lo respècte, la participacion democratica, lo drech de s'exprimir dins la lenga preferida, la libertat d'expression, e la diversitat lingüistica e culturala. Tot lo mond que pòdon aderir a aquelas valors e que s'interèssan a las lengas son convidats a rejónher la ret.
La fondacion de la ret
La ret foguèt fondada lo 21 de genièr al BCWT – Centre Baltic pels Escrivans e Traductors, Visby, Gotland.
Los participants a la reünion fondatritz èran:
- Daniel Gustafsson (Svenska PEN)
- Jørgen Christian Wind Nielsen (Dansk PEN)
- Karin Hansson (Svenska PEN)
- Leena J. Manninen (Suomen PEN)
- Lena Pasternak (Centre Baltic pels Escrivans e Traductors, BCWT)
- Nils-Henrik Sikku (Bágo- scribent och författarförening)
- Peter Mickwitz (Suomen PEN)
- Roza Galeh Dar (Översättarcentrum)
https://www.linkedin.com/pulse/nordic-pen-language-network-j%C3%B8rgen-christian-wind-nielsen-louzc/?
Kommentarer
Send en kommentar